Tuesday, July 28, 2009

പ്രണയം


അടുക്കില്ലെന്നറിഞ്ഞിട്ടും,അകലാന്‍ കൊതിക്കാത്ത മനസ്സിന്റെ വിങ്ങലാണു പ്രണയം.
ആശിക്കാന്‍ അവകാശമില്ലെന്നറിഞിട്ടും എന്തിനെന്നില്ലാതെ പിന്നെയും കിനാക്കള്‍ നെയ്യുന്ന മനസ്സാണ് പ്രണയിനിയുടേത്..
പറഞ്ഞുനോക്കി ഒരുപാടുഞാന്‍ എന്റെ മനസ്സിനോട് എന്റെ പ്രണയം അതെനിക്കെന്നോനഷ്ടപ്പെട്ടുവെന്ന്.....
ഒരിക്കലും അതെനിക്ക് തിരിച്ചുലഭിക്കില്ലെന്ന്......
എന്നിട്ടും പിന്നെയും പിന്നെയും അതെന്നെ തോല്‍പ്പിക്കുന്നു ,ഞാന്‍ പോലുമറിയാതെ നിന്നെ സ്നേഹിച്ച എന്റെ മനസ്സ്.
ഒരിക്കലും ഇനി നീ എന്റെ ജീവിതത്തിലില്ലെന്ന തിരിച്ചറിവുണ്ടെനിക്ക്.
എന്നിട്ടും എന്റെ ചുറ്റും കാണുന്ന കാഴ്ചകളിലെല്ലാം എന്തിനോ ഞാന്‍ ഇന്നും നിന്നെ തേടുന്നു.......,
അകലെനിന്നെങ്കിലും ഒരുമാത്ര നിന്നെ കാണാമെന്നും നിന്റെ സ്വരം കേള്‍ക്കാമെന്നുമുള്ള ഒരു നേര്‍ത്ത പ്രതീക്ഷയോടെ.....ഞാന്‍ പലവട്ടം എന്റെ മനസ്സിലുറപ്പിച്ചതാണ് ഇല്ല ഇനിയും ഞാന്‍ വെറുതേ സ്വപ്നങ്ങള്‍ നെയ്യില്ലെന്ന്..എന്നിട്ടും എന്തിനോവേണ്ടി പിന്നെയും പിന്നെയും എന്റെ പ്രണയം അതെന്നെ തോല്‍പ്പിക്കുന്നു!!!!!!!!!

Friday, July 24, 2009

എന്റെ സ്വപ്നം




എന്റെ ലോകം നീയായിരുന്നു...എനിക്കു ചുറ്റിലും നിന്റെ സ്വരമായിരുന്നു....നീയായിരുന്നു എന്റെ രാഗവും..,ഗാനങ്ങളുടെ താളവും.., കാവ്യങ്ങളുടെ ഭാവവും..,നടനത്തിന്റെ ചാരുതയും..,നിന്നില്‍ അലിയുവാനും നിന്റെ നോവുകളേറ്റുവാങ്ങുവാനും എന്റെ ജീവിതം പങ്കുവെക്കുവാനും ഞാനെന്നുമാശിച്ചു...,നിന്റെ ലോകം ഞാനായിരുന്നെങ്കില്‍........!!!!!!!!!

സ്വപ്നങ്ങള്‍ക്കുമരണമില്ലെന്നു ഞാനെവിടെയോ വായിച്ചറിഞ്ഞിരുന്നു.സത്യമാണത്.ഈ ലോകത്തില്‍ എന്നും ഒരിക്കലും മായാതെ മറയാതെ നിലനില്‍ക്കുന്നതൊന്നെങ്കില്‍ അതു സ്വപ്നം മാത്രമാണ്.!!!
നീ എന്റെ സ്വപ്നമാണ്.എനിക്കുചുറ്റിലും നിറഞ്ഞുനിന്നിരുന്ന സന്തോഷമായിരുന്നുനീ...,പക്ഷെ...ഇന്നെനിക്കുചുറ്റും ആ സന്തോഷമില്ലാ..!!!!പകരം നഷ്ട്ടപ്പെടലിന്റെ വേദന മാത്രമാണുള്ളത്.ആര്‍ക്കും പങ്കുവെക്കെണ്ടതില്ലഅതെനിക്ക്.എന്റെ സ്വന്തമെന്ന് എനിക്കെന്നുമഹങ്കരിക്കാവുന്ന ഒരേഒരു സത്യം.....